४ पौष काठमान्डौ ।
क्रान्तिकारी कम्युनिस्ट पार्टी नेपालको स्थायी समितिको बैठक महासचिव कमरेड गौरवको अध्यक्षतामा बसी केही महत्वपूर्ण निर्णयहरु गरेको जानकारी प्राप्त भएको छ । प्राप्त जानकारीअनुसार गत चितवनमा सम्पन्न पार्टी केन्द्रीय समितिले फागुन २१को नीर्वाचनलाई शसक्तरुपले बहिष्कार गर्ने भनी गरेको घोषणालाई कार्यान्वयन गर्न बहिष्कारको मूल नारासहीत बहिष्कारको कार्यक्रमलाई विभिन्न चरणमा सम्पन्ने गर्ने निर्णय गरेको छ । संसदीय निर्वाचन बहिष्कारको मुल नारा — “साम्राज्यवादद्वारा प्रायोजित संसदीय निर्वाचन बहिष्कार गरौ ! स्वाधीन संयुक्त सरकार गठन गरौं !” भन्ने तय गरिएको छ ।
साथै आगामी संसदीय निर्वाचन बहिष्कारको कार्यक्रमलाई प्रभावकारी बनाउन र उल्लेखित नारालाई आम जनताका बीचमा कार्यान्वयनका लागि निम्नानुसार तीन चरणमा विभाजित गरी संचालन गर्ने निर्णय गरिएको जानकारी दिइएकोछ ः
प्राप्त जानकारी अनुसार पहिलो चरणमा ः
क. पुष ७ गते सबै जिल्ला सदरमुकामहरुमा पत्रकार सम्मेलन गर्ने ।
ख. पुष ८ गतेदेखि देशव्यापी भित्तेलेखन सुरु गर्ने ।
ग पुष ११ गते माओ दिवसका दिन काठमाण्डुमा केन्द्रित जनसभालाई भव्यरुपमा सफल पार्ने ।
घ पुष १६ गतेदेखि देशव्यापी पर्चा वितरण गर्ने । पर्चाको नमुना केन्द्रले छिटै पठाउने छ ।
ङ पुष २० गते स्थानीय परिस्थिति अनुसार देशव्यापी अन्तक्र्रिया गर्ने ।
च पुष २५ गते देशव्यापी कोणसभाहरु गर्ने ।
छ पुष २६ र ३० का बीचमा जवस तथा मोर्चाका तर्फबाट निर्वाचन बहिष्कारको पक्षमा वक्तव्य दिने ।
दोस्रो चरणमा ः
क माघ २ गतेबाट पर्चा सहित जनभेटघाट तथा घरदैलो कार्यक्रम गर्ने ।
ख उमेदवारी दर्ताको दिन माघ ६ गते सबै ब्युरोका प्रमुख शहरहरुमा बहिष्कार ¥याली गर्ने । माघ ७ गतेदेखि १२ गतेसम्म नगर वा गाउँपालिकामा कोण सभाहरु आयोजना गर्ने ।
ग माघ १५ गते जिल्ला सदरमुकाम वा उपयुक्त ठाउँमा प्रभावकारी मशाल जुलुस निकाल्ने ।
घ माघ २० देखि २७ गतेका बीचमा संसदीय निर्वाचन बहिष्कारको प्लेकार्ड सहित सबै ब्यूरोका प्रमुख शहरहरुमा मोटरसाइकल ¥याली गर्ने ।
तेस्रो चरण भने परिस्थितिको विकास हेरी तेस्रो चरणका कार्यक्रमहरु पछि निर्णय गरी संप्रेषण गरिने छ भनिएको छ ।
