काठमाडौं । संगठनका संयोजक मिलन राईलाई अपहरण शैलीमा प्रहरी प्रशासनले गिरफ्तार गरेको भन्दै अखिल (क्रान्तिकारी)ले संयोजक राईलाई ससम्मान तत्काल रिहाई नगरे कडा संघर्षमा उत्रने चेतावनी दिएको छ । संगठनका सहसंयोजक पेशल दाहालले जारी गरेको वक्तव्यमा केही सञ्चार माध्यमहरुले घटनाको सत्य तथ्य र वास्तविकता पुष्टी नगरी तत्यहिन समाचार सम्प्रेषण गरेको भन्दै अफवाह नफैलाउन ध्यानाकर्षण गराइएको छ ।

वक्तव्यमा भनिएको छ, “निरन्तर परिवर्तनको लागि आन्दोलनमा रहेको संगठन र त्यसको नेता कार्यकर्ताबाट राज्यप्रशासन त्रसित हुने कुरा सामान्य नै हो तर आफूले गल्ती नै नगरी पटक पटक सजायको भागिदार बनाउने कुरा क्रान्तिकारी संगठनका लागि मिार्थ सह्य छैन ।”