काठमाडौं । नेकपा (क्रान्तिकारी माओवादी) काे केन्द्रीय सल्लाहकार समितिका सदस्य तथा जनयुद्धका वेपत्ता याेद्धा निश्चल नकर्मीका पिता कमरेड सुर्यबहादुर नकर्मीकाे सम्मान र सम्झनामा श्रद्धाञ्जली कार्यक्रम सम्पन्न भएकाे छ । नेकपा (क्रान्तिकारी माओवादी) केन्द्रीय समिति र नेवा:राष्ट्रिय मुक्ति माेर्चाकाे संयुक्त आयाेजनामा सम्पन्न श्रद्धाञ्जली कार्यक्रममा नेकपा (क्रान्तिकारी माओवादी)का महासचिव माेहन वैद्य किरणकाे प्रमुख आतिथ्यतामा सम्पन्न कार्यक्रममा महासचिव किरण, नेकपा (माओवादी केन्द्र)का उपाध्यक्ष कृष्णबहादुर महरा लगायतले दशवर्षे जनयुद्ध, नेपालकाे क्रान्तिकारी कम्युनिस्ट आन्दाेलनमा कमरेड सुर्यबहादुर नकर्मी र उहाँकाे परिवारले पुर्याएकाे याेगदानकाे विषयमा विशेष चर्चासहित श्रद्धाञ्जली मन्तव्य राख्नु भएकाे थियाे ।

कार्यक्रम कमरेड नकर्मीकाे निजी निवास चन्द्रागिरी नपा–७, महादेवस्थान, चेकपोस्टमा गरिएकाे थियाे । कमरेड सुर्यबहादुर नकर्मीकाे चैत्र ३० गत्ते हृदयघातका कारण असामयिक निधन भएकाे थियाे ।

कार्यक्रममा नेकपा (क्रान्तिकारी माओवादी)का स्थायी समिति सदस्य रामसिंह श्रीस, नेकपाका अध्यक्ष लाेकनारायण सुवेदी, राज्यद्वारा वेपत्ता याेद्धा परिवार समाजका अध्यक्ष अधिवक्ता एकराज भण्डारी लगायत क्रान्तिकारी माओवादीका नेता कार्यकर्ताहरु र परिवारका सदस्यहरुकाे उपस्थिति रहेकाे थियाे ।