२६ माघ सर्लाही ।
सर्लाही जिल्लाको हरिवन नगरपाली वडा न.९ मा सर्लाही जिल्ला भरका ज्याला गरि मजदुरी गर्ने मजदुरहरु भेला भै आफ्नो मजदुर हक अधिकारको लागि अखिल नेपाल क्रान्तीकारी मजदुर संघ गठन गरिएको छ ।
नेकपा (क्रान्तिकारी माओवादी) पार्टी को प्रदेश न. २ का प्रदेश इनचार्ज कृस्णदेव दनुवार को प्रमुख अतिथ्यतामा सन्चालन गरिएको मजदुर संघको भेलामा अखिल नेपाल क्रान्तिकारी मजदुर संघ का माहासचिव बसन्त बोगटी बिशेश अतिथी रहनु भएको थियो । साथै नेकपा (क्रान्तिकारी माओवादी)पार्टी सर्लाही जिल्ला इन्चार्ज सन्ध्या प्रधान र सर्लाही जिल्ला सेक्रेटरी सुमन अधिकारी साथै शेख मन्सुर अतिथी रहनु भएको थियो ।
कार्यक्रमको सन्चालन जोख बहादुर मोक्तानले गर्नु भएको थियो । सर्लाही जिल्लाका मजदुर हकहितको लागि जति कार्यक्रम आएता पनि वास्तविक मजदुर सामुन्ने आज सम्म कुनै कार्यक्रम नआएको हुदा मजदुरलाई दैनिकी चलाउन गारो हुँदै आएको र मजदुरी गर्दै आउनेहरुको अवस्था पनि दयनिय बन्दै गएको हुदा आफ्नो हकहितको लागि लड्नुपर्ने कुरालाइ अतिथीहरुले बोल्ने क्रममा जोड दिनु भएको जिल्ला सेक्रेटरी सुमन अधिकारीले जानकारी गराउनु भयो ।

सयौको संख्यामा उपस्थित भएका मजदुरहरुले आफ्नो बिषयमा बोल्ने मान्छे नभएको समेत गुनासो एक मजदुर कृष्णदेव महराले बताउनु भएको थियो । मजदुरहरु आफ्नो हकहित सुरक्षित गर्नको लागि अखिल नेपाल क्रान्तिकारी मजदुर संघ सर्लाही जिल्लामा संगठित गरिएको छ ।
भेलाले शेखइशा महमदको संयोजकत्वमा १५ सदस्यीय अखिल नेपाल क्रान्तीकारी मजदुर संघ गठन गरेको छ ।