गोरखा । पूर्वप्रधानमन्त्री तथा नयाँ शक्तिका संयोजक डा.बाबुराम भट्टराईले अख्तियार दुरुपयोग अनुसन्धान आयोगका प्रमुख आयुक्त लोकमान सिंह कार्कीलाइै उन्मुक्ति दिने प्रयास भइरहेको आरोप लगाएका छन् ।
उनले लोकमान प्रकरणमा बाह्य शक्तिलाई अनावश्यक रुपमा मुछेर दलहरुले अख्तियार प्रमुख कार्कीलाई उन्मुक्ति दिन खोजेको उनको भनाई थियो ।
शनिबार गोरखा नगरपालिकाको छेवेटारमा पत्रकार सम्मेलनमा बोल्दै भट्टराईले लोकमानलाई ‘असनको साँढे’ भएको संज्ञा दिए ।
उनले लोकमानमाथि संसदमा पेश भएको महाअभियोगको प्रस्ताव स्वभाविक भएको बताउँदै संसदबाट महाअभियोग पारित गर्न नसके दलहरुको निकम्मापन हुने बताए ।
संवैधानिक निकायका प्रमुखहरुको नियुक्ति प्रक्रिया संसदले गर्नुपर्ने भट्टराईको सुझाव थियो । संवैधानिक निकायका प्रमुखहरु संसदबाट नियुक्त हुने व्यवस्था भएमात्रै देश र जनताप्रति उत्तरदायी हुनसक्ने भट्टराईले बताए ।
अहिले संवैधानिक आयोगहरुमा दलहरुका मान्छे नियुक्त हुने प्रचलनले लोकमान प्रवृत्ति जन्मने गरेको उनले बताए ।
प्रतिक्रिया
सम्बन्धित खवर
