राष्ट्संघयात ज्ञापनपौ लःल्हसात

प्रकाशित मिति : २०७३ श्रावण २८

येँ (झीगु स्वनिगः)  moolbato-wankimun
आदिवासी जनजातितय्सं मातृभाषं ब्वनेकुथिइ आखः ब्वने दयेमाल धकाः पठनपाठन याये दयेमाल धकाः संयुक्त राष्ट्र संघया यलया  ज्याकुथिइ  ज्ञापनपौ लः ल्हाःगु दु ।  यलया  यलध्वाखाय् स्वनिगःया  थीथी   शैक्षिकसंस्थात  आदिवासी जनजातिपिं मुनाः  नगरपरिक्रमा यानाः  अनिवार्य रुपय्  मातृभाषातुं  आखः ब्वनेदइगु  लकस  नेपाल सरकारं  बिया बिइमाल धकाः  उगु  ज्ञापनपौ लःल्हाःगु खः । संयुक्त राष्ट्र संघं  अगष्ट ९ तारिखयात  विश्व मातृभाषा दिवस घोषणा याःसानं  नीनिक्वःगु विश्व मातृभाषा दिवस हना  नेपाल सरकारं  उगु  घोषणायात  अनुमोदन याःसानं आः तक  मातृभाषाय्  ब्वनेकुथि आखः ब्वंकिइगु   ब्यवस्था ब्याका मब्यूगुलि दबाबस्वरुप संघया  ध्यानसायेकागु  नेवाः स्कुल नेवाः वस्तीया नायः  दीपक तुलाधरं  झीगु स्वनिगःयात कनादिल ।
संयुक्त राष्ट्र संघया नेपालप्रतिनिधि भ्यालेरी जुल्लियान्डयात  आदिवासी जनजाति न्ह्यलुवाः डा. महेशमान श्रेष्ठ, मल्ल के सुन्दर, नरेश ताम्रकार, सुवर्ण चित्रकार, राजेन्द्र श्रेष्ठ, दीपक तुलाधर, लक्ष्मीदास मानन्धरपिनिगु  टोली थ्यंका  मातृभाषाय्  अध्यापन  याकेगु  लकस चुलाका बिइत  इनाप याःगु दु ।
ज्ञापनपत्रय्  राष्ट्र संघया  २०३० मो दीर्घकालिन विकास परियोजना अन्तर्गत उद्धेश्य ४ स आदिवासी जनजाति, अपाङ्ग व मचातय्त  शिक्षा व  व्यवसायिक तालिम बिइगु  घोषणा  याःसानं नेपालं  राष्ट्र संघया  फुक्क सन्धिसम्झौताय्  ल्हाःचिं तःगु व नेपाःया  न्हूगु संविधानय् नेपाल बहुभाषिक देय् धकाः न्ह्यथना तःसानं फुक्क  भाषायात  ब्यवहारिक रुपय् छ्यला महःगु धयादिल ।