काठमाडौं । आयोजक ब्राजिलले ओलम्पिक खेलकुद अन्तर्गत महिला फुटबलतर्फ विजयी सुरुवात गरेको छ ।
बुधबार राति भएको खेलमा ब्राजिलले चीनलाई ३–० ले हराउँदै विजयी सुरुवात गरेको हो । सोही समूहको अर्को खेलमा स्विडेनले दक्षिण अफ्रिकालाई १–० ले पराजित गर्यो ।
समुह एफ का खेलमा क्यानाडाले अष्ट्रेलियालाई २–० ले हराउँदा जर्मनीले जिम्बाबेलाई ६–१ को भारी अन्तरले निराश बनायो ।
यसैगरी समुह जी को खेलमा अमेरिकाले न्युजिल्याण्डलाई २–० ले हराएको छ । ओलम्पिक खेलकुदका पुरुषतर्फका फुटबल खेलहरु आजबाट सुरु हुनेछन् ।
ओलम्पिक खेलकुदको औपचारिक सुरुवात शुक्रबारबाट हुने भएपनि फुटबल तर्फका खेलहरु त्यसअघि नै सुरु गरिएका हुन् ।
